Psa 138 | KGF | STEP | Ni qeri howiacnec ewa hia ac gézézua. Nemu ionac kicginaiguc gi mepésigénʒua.

Psalms 138

Dawidiac ewa hia ac ʒémamepé qepési ac.

1 Ni qeri howiacnec ewa hia ac gézézua. Nemu ionac kicginaiguc gi mepésigénʒua. ^{▼▼138:1Hénia imi efefianec niŋasariwiŋac séc qahac. Néŋ niniŋ ic tosara imi yomuhuc héniaya ʒéanʒu; Nemu tosara ménda mepési énécmima guacnec sac mepésigénʒua.} 2 Ni ocmuŋga téréyawac ^{▼▼138:2Yerusalem ocmuŋ imi ménda megic heyec. Imuac niŋ yomi imi sel hali héna acac katapa haigic heyec imuac ʒézéya.} sicgégémba hazac. Waŋu goi héihéiga ʒéma hakaga héla imuac niŋ guac qacgawac ewa hia ac gézémaŋ. Imi mia gi qacga ʒéma ʒézé seli acga meyacna iwawai mocʒoŋ qehoturuma onogicma eŋec imuac mia imuhuc waŋgénʒua. 3 Ni guruyi nalé imuaru acna meleŋnec, waŋu kekec uŋanawac kuha meyandi nénnec.

4 Baecac ic kewu mocʒoŋ ieneŋ kuaga igucnec acga niŋgic imuac niŋac ieneŋ Miŋ Kewu gi ʒéhiaru gémmu. 5 Yaweac edamuya imi eŋeŋa yanda imuac ieneŋ Yaweac hakayawac mepésimimu. 6 Yawe imi eŋeŋa. néŋ mamaya hia inicgaleŋ waŋ énécmianʒac, waŋu tétéc qeqe ic imi acguc lakec kecma hia inictegicanʒac.

7 Ni ʒéra waiya qeriaiguc keŋha wamba gi kekecna héŋgaleŋ waŋanʒaŋ. Waŋu haʒéchécna ionac qeri gericgina igucnec méraga suluma méra héiganéŋ metecgé néŋanʒaŋ.

8 Yawenéŋ nuac wamma eŋeya ewa siŋ hezac séc wandacmac. Yawe guac goi héihéiganéŋ hehe seli hema kecmac. Ai méraganéŋ memeya imi ménda waiwésémaŋ.